Georgian Airways ჟურნალი ENG
ღვინო

ღვინის სპა თერაპია და არომატით შექმნილი შუხმანის ღვინის კომპლექსი

ღვინის სპა თერაპია და არომატით შექმნილი შუხმანის ღვინის კომპლექსი

შუხმანის ღვინის შატო და სპა — ეს არის ღვინის კომპლექსი, სადაც ვაზი და ღვინო მხოლოდ სასმელი კი არა, ცხოვრების სტილის, დასვენების და განტვირთვის საშუალებაა. შუხმანის კომპლექსი დაუვიწყარი გამოცდილებაა, რომელიც ერთდროულად ქართულ სტუმართმოყვარეობას, ისტორიულ გარემოს, ულამაზეს პეიზაჟებს და მაღალი დონის სერვისს აერთიანებს. შატოს კომპლექსის ტერიტორიაზე განლაგებულია ვენახები, ტრადიციული და თანამედროვე სტილის მარნები, დახვეწილი რესტორანი და, რა თქმა უნდა, სპა ცენტრი, რომელიც დასვენებისთვის სრულყოფილ გარემოს ქმნის.

სპა ცენტრის მთავარი კონცეფცია დამყარებულია ღვინის თერაპიაზე — ვინოთერაპიაზე, რაც გულისხმობს ყურძნის წიპწის ზეთის, ღვინის ნარჩენების, ვენახის ფოთლებისა და სხვა ბიოლოგიურად აქტიური ნივთიერებების გამოყენებას, ჯანმრთელობისა და სილამაზის გაჯანსაღებისთვის. ღვინის კოსმეტიკა მიიღება მათივე სათუთად მოვლილი ვენახებისგან, ღვინის კოსმეტიკის შეძენა კი მხოლოდ სპაშია შესაძლებელი. ვინოთერაპიას დღეს მთელ მსოფლიოში მაღალი შეფასება აქვს, რადგან მასში შემავალი ანტიოქსიდანტები დაბერების პროცესებს აქტიურად ებრძვიან, აჯანსაღებენ კანს, აუმჯობესებენ სისხლის მიმოქცევას და გააჩნიათ ანტისტრესული მოქმედება. შუხმანის სპა-სივრცე მოიცავს სხვადასხვა თერაპიულ მომსახურებას, როგორიცაა ღვინის აბაზანა, მასაჟები ღვინის ზეთით, ყურძნის პილინგები და სხვა.

შუხმანის კომპლექსი აქტიურად თანამშრომლობს ადგილობრივ მწარმოებლებთან და ეკო-მეურნეობებთან, რათა სპა პროცედურებში გამოყენებული მასალები მაქსიმალურად ნატურალური და ორგანული იყოს. ამ ყველაფერს ემატება კომპეტენტური სპეციალისტების გუნდი, რომლებიც ინდივიდუალურად განიხილავენ თითოეული სტუმრის საჭიროებებს და ქმნიან პერსონალიზებულ სპა პროგრამებს. შუხმანის გუნდის მიზანია ღვინის ჯადოსნური თვისებების სხეულზე განცდა.

სასტუმრო ნომრები გათვლილია სხვადასხვა ტიპის დამსვენებელზე — წყვილებზე, ოჯახებზე ან სოლო-მოგზაურებზე, რომლებიც სიმშვიდეს, ბუნებასთან სიახლოვეს და ხარისხიან დასვენებას ეძებენ. სტანდარტული და დელუქს კლასის ნომრები გამოირჩევა დახვეწილი ინტერიერით, სადაც ტრადიციული ქართული ელემენტები თანამედროვე კომფორტს ერწყმის. ხის იატაკი, თბილი ფერები, ბუნებრივი ტექსტურები და პანორამული ხედები ალაზნის ველზე და კავკასიონზე — ეს ყველაფერი ქმნის განსაკუთრებულ ატმოსფეროს, რომელიც დამსვენებელს კომფორტულად აგრძნობინებს თავს.

შუხმანის სასტუმრო სივრცე არ არის მხოლოდ ფიზიკური დასვენების ადგილი — ეს არის ემოციური და ესთეტიკური გამოცდილება.

კიდევ წაიკითხეთ

„ჯორჯიან ეარვეისის“ მრავალწლიანი პარტნიორი
ავიაცია

„ჯორჯიან ეარვეისის“ მრავალწლიანი პარტნიორი

„ჯორჯიან ეარვეისი“ უკვე მრავალი წელია თბილისსა და ამსტერდამს პირდაპირი რეისით აკავშირებს, „KLM“ ჩვენი მრავალწლიანი პარტნიორია. „ჯორჯიან ეარვეისს“ და „KLM“-ს „Code Share“ ხელშეკრულება აკავშირებს და მგზავრებს თბილისიდან ამსტერდამში, ხოლო ამსტერდამიდან მხოფლიოს სხვადასხვა მიმართულებით,…

Airplane mode On
ავიაცია

Airplane mode On

**რატომ გვთხოვენ ეკიპაჟის წევრები ფრენის დროს მობილური ტელეფონების გადაყვანას Airplane Mode-ზე?** ავიაცია იყენებს ძალიან მგრძნობიარე რადიოსიხშირეებს, რომლებიც აუცილებელია როგორც დისპეტჩერთან კომუნიკაციისთვის, ასევე ნავიგაციისთვის. აქტიური მობილური მოწყობილობების დიდმა რაოდენობამ შეიძლება გამოიწვიოს რადიოსიხშირეების შეფერხება.

ამსტერდამი/AMSTERDAM
მოგზაურობა

ამსტერდამი/AMSTERDAM

წარმოიდგინეთ ქალაქი, სადაც არხების ხმაური მანქანების ხმაურს ანაცვლებს, ადამიანები ველოსიპედებით გადაადგილდებიან და ძველი შენობების ფონზე თანამედროვე ცხოვრება მშვიდად მიედინება. ეს ამსტერდამია, ნიდერლანდების განსაკუთრებული ქალაქი, სადაც ისტორია, ხელოვნება და თავისუფალი აზრი ერთ სივრცეში…