მეკვლეობის ტრადიცია საქართველოში

საქართველოში შობა-ახალ წელს ოდითგანვე განსაკუთრებული მნიშვნელობა ენიჭებოდა. ერთ-ერთი უძველესი ტრადიცია, რომელიც ამ დღესასწაულს უკავშირდება და დღესაც ყველა ოჯახი გულმოდგინედ იცავს – მეკვლეობაა. მეკვლეობა სათავეს სტუმარმასპინძლობის ტრადიციიდან იღებს. ეკლესია მეკვლის ტრადიციას ქრისტეს შობას უკავშირებს. მეკვლე სიმბოლოა ქრისტეს შობის მახარობლობისა – როდესაც მაცხოვარი იშვა, მწყემსები გავიდნენ და მისი დაბადების შესახებ ქვეყნიერებას ამცნეს. თავისთავად მეკვლეობაც მახარობლობას ნიშნავს. მეკვლე პირველია, ვინც ახალი წლის ღამეს ან განთიადისას ხილით, ტკბილეულით და ღვინით სავსე ლანგრით ხელში ოჯახს სტუმრობს, დღესასწაულს ულოცავს, ბედნიერ წელს, კეთილდღეობას, ბარაქას, წარმატებას უსურვებს და ოჯახის წევრების გულებს კეთილი სურვილებით ახარებს.
თავად მეკვლეობის რიტუალი, ახალი წლის დადგომის შემდეგ რამდენიმე სუფრის შემოვლასა და ახლობელი ოჯახების მილოცვა-დალოცვაში მდგომარეობს. ძველად, საქართველოში მეკვლეს


