Georgian Airways ჟურნალი ENG
კულტურა

საახალწლო სუფრის ქართული ტრადიციები

საახალწლო სუფრის ქართული ტრადიციები

ახალი წელი საქართველოში ერთ-ერთი გამორჩეული და მნიშვნელოვანი დღესასწაულია, რომელსაც დიდი თუ პატარა მოუთმენლად ელოდება. წლის ყველაზე ჯადოსნურ დღეს, ადამიანები ახალ იმედებს, სურვილებს, ოცნებებს, მიზნებს სადღესასწაულო სუფრის, საყოველთაო ზეიმის ფონზე იფიქრებენ, ეგებებიან და აღნიშნავენ.

ქართული საახალწლო სუფრა დღესასწაულს განსაკუთრებულ ელფერს სძენს, რადგან ის ძირითადად ყველა ოჯახში ტრადიციების მიხედვით არის გაწყობილი და ქართული სუფრის ფენომენს კარგად ასახავს.

საცივი, შემწვარი გოჭი, გოზინაყი და ჩურჩხელა ქართული საახალწლო სუფრის შეუცვლელი ნაწილია. ხშირ შემთხვევაში ნუგბარის და კერძის მომზადების პროცესში ოჯახის ყველა წევრი მონაწილეობს, რაც წინასაახალწლო განწყობის შექმნასა და სამზადისს განსაკუთრებულ ჟრიამულს და ხალისს სძენს.

საახალწლო სუფრის ტრადიციები საქართველოში მრავალფეროვანია და ქვეყნის ყოველი კუთხე განსხვავებულად აღნიშნავს.

ქართლ-კახეთში საახალწლო სუფრის მთავარი მშვენება ნაზუქია. ნუგბართან დაკავშირებით არსებობს ტრადიციაც — ქალი, რომელიც სამეზობლოში ყველაზე გემრიელ ნაზუქს გამოაცხობს, მომავალ წელს ლხინისა თუ ჭირის სუფრებზე ქალების ხელმძღვანელად და მთავარ მზარეულად ინიშნება.

სამეგრელოში, ტრადიციული კერძების გარდა, საახალწლო სუფრაზე უცხო, მეგრული სამზარეულოსთვის ნაკლებად დამახასიათებელ კერძს ამზადებენ, რაც სუფრას მეტად საინტერესოს ხდის.

იმერული საახალწლო სუფრა ფხალეულის, საკმაზის და ხორცეულის ორიგინალურად დამუშავების ცოდნის გამო, ტრადიციულ კერძებთან ერთად, გამორჩეულად მრავალფეროვანი გემოებით არის სავსე.

საქართველოს მთიან რეგიონებში კი სუფრაზე ხორცისგან მომზადებული კერძები დომინირებს.

ახალი წელი საქართველოში თავისი სუფრითა და ტრადიციებით იმედის, სიხარულის, ერთიანობის, გაზიარების დღესასწაულია, რომელიც ოჯახის თითოეული წევრის მეხსიერებაში ყოველთვის ტკბილ მოგონებად რჩება.

კიდევ წაიკითხეთ

მეკვლეობის ტრადიცია საქართველოში
კულტურა

მეკვლეობის ტრადიცია საქართველოში

საქართველოში შობა-ახალ წელს ოდითგანვე განსაკუთრებული მნიშვნელობა ენიჭებოდა. ერთ-ერთი უძველესი ტრადიცია, რომელიც ამ დღესასწაულს უკავშირდება და დღესაც ყველა ოჯახი გულმოდგინედ იცავს – მეკვლეობაა. მეკვლეობა სათავეს სტუმარმასპინძლობის ტრადიციიდან იღებს. ეკლესია მეკვლის ტრადიციას ქრისტეს შობას…

გოზინაყი – ასე ტკბილად დამიბერდი
გასტრონომია

გოზინაყი – ასე ტკბილად დამიბერდი

ტრადიციული ქართული ნუგბარის ისტორია, რომელსაც ჩვენი წინაპრებიც მიირთმევდნენ, საუკუნეებს ითვლის. მრავალფეროვანი და საინტერესო გემოებით გაჯერებული ტკბილეულის ზოგიერთ სახეობას არამატერიალური კულტურული მემკვიდრეობის ძეგლის სტატუსიც აქვს მინიჭებული და ქართულ გასტრონომიულ კულტურაში მნიშვნელოვანი ადგილი უკავია.

თბილისის ნაძვის ხე
კულტურა

თბილისის ნაძვის ხე

თბილისი ნამდვილად არის ის ქალაქი, სადაც ახალი წლის განწყობას ერთიორად ამძაფრებს ქალაქში დამონტაჟებული დეკორაციები. არ აქვს მნიშვნელობა ცენტრალურ უბანში მოხვდებით თუ არა, ყოველწლიურად თბილისის თითოეული ქუჩა განსაკუთრებულად ირთვება. თუმცა ქვეყნის მთავარი –…