ციხისძირი

მოწყობაც შესაძლებელია. ზაფხულის სიმწვანეში ჩაფლული უწერა განსაკუთრებით ლამაზია. იგი კულტურულ-ისტორიული თვალსაზრისითაც საინტერესოა, სოფელში და მის მიმდებარედ შუა საუკუნეებისა ოთხი ეკლესიისა და ციხე-სიმაგრის ნანგრევების მონახულებასაც შეძლებთ.
ციხისძირი აჭარაში, ქობულეთის მუნიციპალიტეტში, შავი ზღვის სანაპიროზე, ზღვის დონიდან 60-90 მეტრზე მდებარეობს. კურორტი ჰავის უნიკალურობით გამოირჩევა, სადაც ზღვის და მთის ჰავა ერთმანეთს ერწყმის. შესაბამისად, ზაფხულობით უფრო გრილა, ზამთარში კი შედარებით თბილა, ვიდრე ბათუმსა და ქობულეთში. ციხისძირში ამწვანებული სანაპიროებითა და უსასრულო ზღვის საოცარი ხედებით დატკბებით. კეთილმოწყობილი სანაპიროები, ულამაზესი ბაღები, კომფორტული სასტუმროები, კაფე-ბარები და რესტორნები იდეალურ გარემოს ქმნის შესანიშნავი და დაუვიწყარი დასვენებისთვის. ციხისძირი ბუნებისა და გასართობი ადგილების გარდა კულტურულ-ისტორიული თვალსაზრისითაც საინტერესო ადგილია. ეს ტერიტორია უძველესი დროიდან იყო დასახლებული და მასზე ეგრისის სამეფოს ისტორიული ციხექალაქი გახლდათ გაშენებული. ციხისძირის მთავარი ღირსშესანიშნაობა პეტრას ციხეა, რომელიც უამრავ ტურისტს იზიდავს.


