Georgian Airways ჟურნალი ENG
მოგზაურობა

პარიზი - ქალაქი მუზეუმი

პარიზი - ქალაქი მუზეუმი

სიყვარულის, მოდის, ხელოვნების, ოცნებებისა და კიდევ უამრავი განწყობის მატარებელი ქალაქი – პარიზი, მსოფლიოს კულტურის ცენტრია. ამასთან ერთად, ის გავლენას ახდენს პოლიტიკაზე, განათლებაზე, დასვენებასა თუ მეცნიერებაზე. პარიზი ყოველთვის იყო ინოვაციის ქალაქი. მას ხომ „სინათლის ქალაქსაც“ უწოდებდნენ. მიზეზი ისაა, რომ სწორედ საფრანგეთის ამ უმშვენიერეს მხარეში გამოჩნდა, პირველად, ქუჩის ლამპიონები. მას შემდეგ, პარიზი სიყვარულის სინონიმადაც კი იქცა, რომლის განათებულ ქუჩებში სეირნობა არაერთ შეყვარებულ წყვილს უყვარს.

პარიზი არა მხოლოდ მსოფლიოს მთავარი ღირსშესანიშნაობების ცენტრია, არამედ თავადაც, როგორც ქალაქი, მუზეუმადაა ქცეული. ისტორიული იერსახის შენარჩუნების სურვილით, მკაცრი სამშენებლო ნორმები არსებობს, ამიტომაც ისტორიულ უბნებში ვერსად შეხვდებით თანამედროვე ცათამბჯენებს.

მთავარი სანახაობა მაინც ეიფელის კოშკია, რომელიც პარიზის სავიზიტო ბარათადაა ქცეული. მისი ავტორი გუსტავ ეიფელია. არ აქვს მნიშვნელობა, დღის რომელ მონაკვეთში მოხვდებით, დღისით თუ ღამით, პირველს, რასაც ქალაქში შეამჩნევთ, ეს ეიფელის კოშკია. სიმბოლო 1887-1889 წლებში აშენდა. თავდაპირველად, მას მსოფლიო გამოფენის შესასვლელის ფუნქცია უნდა ჰქონოდა და 20 წლის შემდეგ დაეშალათ, თუმცა, რადიოს ქსელის განვითარებამ, კოშკი დაშლისგან გადაარჩინა და მასზე რადიომოწყობილობა დამონტაჟდა. ასე შემორჩა საფრანგეთს და მსოფლიოს ეიფელის კოშკი, რომელიც ყოველ ღამით ათასობით ნათურით ნათდება და ქალაქის თითქმის ყველა კუთხიდან ჩანს.

ხელოვნების მოყვარულებისთვის პარიზის „ლუვრი“ ერთ-ერთი საოცნებო სანახავი მუზეუმია. აქ ხომ ლეონარდო და ვინჩის ცნობილი „მონა ლიზა“ ინახება. მუზეუმი 1793 წელს დაარსდა და მას დღესდღეობით მსოფლიოს მუზეუმებს შორის ყველაზე მეტი მნახველი ჰყავს. ლუვრის გარდა, ამ ქალაქში კიდევ ერთი უნიკალური მუზეუმი „ორსე“ მდებარეობს. ოდესღაც, რკინიგზის სადგურის შენობაში, ახლა, იმპრესიონისტებისა და პოსტიმპრესიონისტების ნახატებია გამოფენილი. ვ. ჰიუგოს ვერსიით, ყველაზე რომანტიკული და ამავე დროს, ტრაგიკული ისტორიაც პარიზში მოხდა. ალბათ ამიტომაცაა, რომ შეყვარებულების საყვარელი ადგილია პარიზის ღვთისმშობლის ტაძარი და მისი მოედანი.

გამორჩეული ადგილების ჩამონათვალი მრავალფეროვანია. ერთ-ერთი „შანზ-ელიზეს“ ქუჩაა, სადაც პარიზში მოხვედრის შემთხვევაში, აუცილებლად უნდა გაისეირნოთ. ის კონკორდის მოედანზე აღმართული ობელისკიდან იწყება და შარლ-დე-გოლის მოედანზე, ტრიუმფალურ თაღთან სრულდება. ე.წ. „წითელი ფარნების“ რაიონში კი მსოფლიოში ცნობილი კაბარე „მულენ რუჟი“ მდებარეობს. ის ცნობილი, ცეკვით – „კანკანი“, გახდა.

თუ ღირსშესანიშნაობების ნახვის ამაღელვებელი შეგრძნებები სასიამოვნოდ დაგღლით, მაშინ უნდა იცოდეთ, რომ ლუქსემბურგის ბაღში, ასევე, სასიამოვნოდ დასვენება შეგიძლიათ. ის პარიზში უდიდესი პარკია და ადგილობრივი ბავშვებისა და მათი მშობლების საყვარელი ადგილია.

კიდევ უამრავი მიზეზის გამო, პარიზი ტურისტების საყვარელი ქალაქია. ყოველწლიურად ის 45 მლნ ვიზიტორს მასპინძლობს. ევროპაში ერთ-ერთ ყველაზე დასახლებულ მეგაპოლისში კი „ჯორჯიან ეარვეისი“ მოგახვედრებთ.

კიდევ წაიკითხეთ

Light That Brings Georgian Culture into Focus
კულტურა

Light That Brings Georgian Culture into Focus

ATINATI არაკომერციული, საქველმოქმედო ფონდია, რომელიც საქართველოს კულტურისა და ხელოვნების პოპულარიზაციის მიზნით შეიქმნა. ფონდი საქმიანობს, როგორც მედიაპლატფორმის ATINATI.COM ასევე კულტურის ცენტრის ATINATI’S მიმართულებით (მის: პ. ინგოროყვას 19ა)

„ჯორჯიან ეარვეისი“
ავიაცია

„ჯორჯიან ეარვეისი“

ავიაკომპანია „ჯორჯიან ეარვეისი“, 1993 წლის 15 სექტემბერს, პროფესიონალმა ავიატორმა თამაზ გაიაშვილმა დააფუძნა. თავდაპირველად ავიაკომპანია „აირზენა – საქართველოს ავიახაზების“ სახელით ოპერირებდა. „ზენა“ ძველქართულად „ზეციერს“ ნიშნავს, აქედან გამომდინარე, შეირჩა ეს დასახელება ავიაკომპანიისთვის. 2004 წელს…

„საქართველოს ავიახაზების“ 30 წლის იუბილე: მიღწევების პერიოდი
ავიაცია

„საქართველოს ავიახაზების“ 30 წლის იუბილე: მიღწევების პერიოდი

ცოტა ხნის წინ, საქართველოს ავიახაზებმა დაარსებიდან 30 წლის იუბილე გრანდიოზული წვეულებით აღნიშნა. წვეულებას ესწრებოდნენ ინდუსტრიის წამყვანი წარმომადგენლები, პატივცემული სტუმრები და თავად კომპანიის მფლობელები. საიუბილეო წვეულება, რომელიც თბილისის ცენტრში გაიმართა, სავსე იყო ნოსტალგიური…