ფრუტ ლოჯისტიკა

„ფრუტ ლოჯისტიკა“ აგროპროდუქციის პირველი ლოჯისტიკური ცენტრია საქართველოში, რომლის ძირითად საქმიანობას სოფლის მეურნეობის პროდუქციის საბითუმო დისტრიბუციის განვითარება წარმოადგენს.
კომპანია 2019 წელს შეიქმნა და უზრუნველყოფს ქართული ხილისა და ბოსტნეულის რეალიზაციას ფერმერებიდან მომხმარებლებამდე სავაჭრო ქსელების გავლით.
კომპანია 1000-მდე ფერმერს ეხმარება პროდუქციის რეალიზაციასა და შიდა ბაზარზე დამკვიდრებაში და წლის განმავლობაში აგროკულტურების 500-მდე სახეობის ლოჯისტიკას ახორციელებს.
2021 წელს კომპანიაში გაიხსნა ნედლი ხილისა და ბოსტნეულის გადამამუშავებელი საწარმო, რომელიც „გურმანიას“ ბრენდით 60-მდე სახეობის პროდუქციას – მურაბებს, ჯემებს, კომპოტებს, საწებლებს, მწნილებს, ტომატ პასტას აწარმოებს. საწარმოში ყოველდღიურად 1,5 - 2,5 ტონამდე ნედლეულის გადამუშავება ხდება.


