ბათუმის თევზის ბაზარი

ბათუმის თევზის ბაზარი ქალაქის ერთ-ერთი ცნობილი და პოპულარული ადგილია. ბაზარი მდებარეობს ქალაქის პორტის მიმდებარე ტერიტორიაზე. ბათუმის თევზის ბაზარი არა მხოლოდ სავაჭრო სივრცეა, არამედ აჭარის ზღვისპირა კულტურის, მეთევზეობისა და კულინარიული ტრადიციების მნიშვნელოვანი ნაწილია. აქ ყოველდღიურად იკრიბებიან მეთევზეები, მოვაჭრეები, ადგილობრივი მაცხოვრებლები და ტურისტები, რათა შეიძინონ შავი ზღვის ახალი თევზი და ზღვის პროდუქტები. ბათუმი, როგორც შავი ზღვის მნიშვნელოვანი საპორტო ქალაქი, საუკუნეების განმავლობაში იყო მეთევზეობისა და საზღვაო ვაჭრობის ცენტრი. მეთევზეობა მოსახლეობის ერთ-ერთ ძირითად საქმიანობას წარმოადგენდა. ქალაქის განვითარებასთან ერთად გაჩნდა საჭიროება, რომ მეთევზეებს ჰქონოდათ ადგილი, სადაც საკუთარ ნადავლს გაყიდდნენ.
თანამედროვე ბათუმის თევზის ბაზარი ჩამოყალიბდა მე-20 საუკუნის მეორე ნახევარში. დღეს იგი ყოველდღიურად იღებს ახალ თევზს ადგილობრივი მეთევზეებისგან და აგრძელებს მრავალწლოვან ტრადიციას. ბაზართან ახლოს მდებარეობს კაფეები და რესტორნები, სადაც შესაძლებელია ახლად შეძენილი თევზის მომზადება. ბათუმის თევზის ბაზარზე იყიდება როგორც შავი ზღვის,ისე იმპორტირებული ზღვის პროდუქტები. ყველაზე პოპულარულია: კეფალი, ქარიყლაპია, სიბასი, დორადო, ორაგული, მიდიები, კრევეტები, ხამანწკები, კალმარი და სხვა ზღვის პროდუქტები.
ბათუმის თევზის ბაზარი ქალაქის ერთ-ერთი პოპულარული ტურისტული ადგილია, უცხოელი და ქართველი ვიზიტორები აქ მოდიან არა მხოლოდ თევზის შესაძენად, არამედ იმისთვის, რომ ახლოდან გაეცნონ აჭარულ ტრადიციებს, დააგემოვნონ ზღვის პროდუქტები და შეიგრძნონ ადგილობრივი ცხოვრების რიტმი. ბაზარი ხელს უწყობს ტურიზმის განვითარებას და ადგილობრივი ეკონომიკის გაძლიერებას.
ბათუმის თევზის ბაზარი დღეს ქალაქის ერთ-ერთ საინტერესო და დასამახსოვრებელ ადგილად ითვლება.


